SL(5)357 – Rheoliadau Marchnata Hadau a Deunyddiau Lluosogi Planhigion (Diwygio) (Cymru) (Ymadael â’r UE) 2019

Cefndir a Diben

Gwneir yr offeryn hwn o dan adran 2(2) o Ddeddf y Cymunedau Ewropeaidd 1972 a pharagraff 1(1) o Atodlen 2 a pharagraff 21 o Atodlen 7 i Ddeddf yr Undeb Ewropeaidd (Ymadael) 2018.

Mae'r Rheoliadau yn diwygio Rheoliadau Marchnata Hadau (Cymru) 2012 a Rheoliadau Marchnata Planhigion Ffrwythau a Deunyddiau Lluosogi (Cymru) 2017.  Mae'r offeryn yn diwygio (yn Rhan 2) y ddwy set honno o Reoliadau o fewn 21 diwrnod i'w gosod ac, felly, cyn y Diwrnod Ymadael. Gwneir y rheoliadau hyn o dan ddarpariaethau Deddf 1972.  Maent yn cyflwyno cyfeiriadau at yr AEE a'r Swistir.

Yna, mae'r offeryn yn gwneud diwygiadau pellach i'r ddwy set honno o Reoliadau (yn Rhan 3) a fydd yn dod i rym ar y diwrnod ymadael.  Gwneir y rheoliadau hyn o dan ddarpariaethau Deddf 2018.

Mae'r darpariaethau'n gwneud newidiadau technegol i sicrhau y bydd y ddwy set o Reoliadau sy'n cael eu diwygio yn parhau i gael eu gweithredu yng Nghymru ar ôl i'r DU adael yr UE.

Gweithdrefn

Negyddol.

Materion technegol: craffu

Nodir y pwynt a ganlyn i gyflwyno adroddiad arno o dan Reol Sefydlog 21.2 mewn perthynas â'r offeryn hwn:

O ran Rheol Sefydlog 21.2(vii), mae'r testun Cymraeg yn rhifo'r Rheoliadau yn anghywir o 2-6 (yn hytrach na'u rhifo o 1-5).  Ymhellach, ar ddiwedd Rheoliad 17, yn y testun Cymraeg, mae-

“(c)”

Gwall teipograffyddol yw hwn mae'n amlwg.

Rhinweddau: craffu

Ni nodwyd unrhyw bwyntiau i gyflwyno adroddiad arnynt o dan Reol Sefydlog 21.3(ii).

Y goblygiadau yn sgil gadael yr Undeb Ewropeaidd 

Gosodwyd drafft o’r Rheoliadau hyn gerbron y Cynulliad ar gyfer sifftio yn unol â pharagraff 4 o Atodlen 7 i Ddeddf yr Undeb Ewropeaidd (Ymadael) 2018. Cytunodd y Pwyllgor mai gweithdrefn y penderfyniad negyddol yw’r weithdrefn briodol ar gyfer y Rheoliadau hyn.

Ymateb y Llywodraeth

Mae angen ymateb gan y Llywodraeth.

Cynghorwyr Cyfreithiol

Y Pwyllgor Materion Cyfansoddiadol a Deddfwriaethol

8 March 2019